O artigo 27 da lei 39/2015, de 1 de outubro, do procedemento administrativo común das administracións públicas, establece nos seus apartados segundo e terceiro que, terán a consideración de copia auténtica dun documento público administrativo ou privado as realizadas, calquera que sexa o seu soporte polos órganos competentes das Administracións Públicas nas que quede garantida a identidade do órgano que realizou a copia e o seu contido. As copias auténticas terán a mesma validez e eficacia que os documentos orixinais.
Ademais, as copias electrónicas en soporte papel de documentos electrónicos requirirán que nas mesmas figure a condición de copia e deberán conter un código xerado electronicamente ou outro sistema de verificación que permita contrastar a autenticidade da copia.
A Sede Electrónica permite contrastar a autenticidade mediante o acceso aos documentos electrónicos orixinais dos documentos asinados polo Concello de Pontevedra emitidos electronicamente.
Os documentos electrónicos oficiais emitidos polo Concello de Pontevedra están asinados con certificado electrónico.
Pode descargarse unha copia verificada do documento orixinal de dúas formas:
- Introducindo o CSV no formulario proporcionado nesta páxina e premendo o botón "Descargar"
- Validación mediante códigos QR: Pode validar o documento directamente mediante o código QR da banda inferior do documento utilizando a cámara do seu teléfono móbil con calquera aplicación de códigos QR (para Android, iOS, Blackberry o Windows Phone)