508 Solicitude de licenzas de obras e de apertura

Persoas ou entidades que vaian exercer unha actividade económica nun local e/ou abrir un establecemento comercial, profesional ou industrial e precisen executar obras de acondicionamento e instalación previas suxeitas a licenza consonte coa normativa xeral de ordenación da edificación, ou cando se trate de intervencións en edificios declarados BIC ou catalogados.

ELECTRONICAMENTE

Dende esta sede electrónica pode vostede achegar o documento de solicitude debidamente cuberto xunto coa documentación que sexa necesario achegar de ser o caso. Para presentar a solicitude electronicamente vostede deberá identificarse previamente na sede mediante o sistema Cl@ve, ou ben mediante o seu usuario e contrasinal (este último só válido para persoas físicas) e acceder á tramitación electrónica desta solicitude premendo no botón "rexistro electrónico".

As persoas xurídicas e demais suxeitos recollidos no artigo 14.2 da Lei 39/2015 (entidades sen personalidade xurídica, profesionais sometidos a colexiación obrigatoria, notarios e rexistradores da propiedade e mercantís) unicamente poden comunicalo electronicamente, mediante este procedemento.

PRESENCIALMENTE (só persoas físicas)

Nas oficinas de rexistro, no enderezo e horario que se indican abaixo, no apartado denominado “Oficinas de tramitación e presentación”.

O comunicante declara baixo a súa responsabilidade:

- que conta cos informes sectoriais preceptivos conxuntamente con todosos que sexan necesarios para o inicio da obra, instalación ou actividade.

- que cumprirá cos requisitos normativamente esixidos e manterá todas as medidas correctoras precisas para o correcto exercicio da actividade durante todo o período a el inherente e que, ao tratarse dunha actividade continuada, se acomodará ás esixencias derivadas da nova normativa que vaia entrando en vigor, previa obtención das preceptivas licenzas ou presentación das correspondentes comunicacións previas que, segundo o caso, resulten necesarias para tal finalidade.

- que se cumpren todos os requisitos para o exercicio da actividade e que os locais e as instalacións reúnen as condicións de seguridade, salubridade e as demais previstas no planeamento urbanístico.

- que unha vez rematadas as obras/instalacións e antes da posta en funcionamento, presentará a Comunicación Previa para o inicio da actividade á que xuntará certificado final de obra asinado por técnico competente e, no seu caso, visado colexialmente. O referido certificado acreditará, de ser procedente, que coas instalacións ou obras de acondicionamento executadas non se menoscaba o cumprimento da normativa sectorial de aplicación vixente, o Código Técnico da Edificación, a normativa reguladora da protección contra incendios, o Regulamento electromagnético para baixa tensión, a normativa vixente en materia de protección contra o ruído e a contaminación acústica, a normativa en vigor sobre accesibilidade e supresión de barreiras arquitectónicas e normativa sanitaria, como que o establecemento cumpre coas determinacións contidas nas Ordenanzas e Regulamentos Municipais e no Plan Xeral de Ordenación Urbana e, no seu caso, o cumprimento do artigo 5 da lei 13/2010, do comercio interior de Galicia, ou norma que o substitúa

• Lei 2/2016, do solo de Galicia e o Decreto 143/2016, do 22 de setembro, polo que se aproba o Regulamento que a desenvolve.

• Lei 9/13, do emprendemento e da competitividade económica de Galicia e o Decreto 144/2016, polo que se aproba o Regulamento de actividades económicas e apertura de establecementos

• Lei 13/2010, do comercio interior de Galicia

NORMATIVA MUNICIPAL

• 02 Ordenanza para a simplificación administrativa da tramitación de declaracións responsables para tramitar servizos, instalacións, apertura de establecementos, etc.
• 08 Ordenanza fiscal reguladora da taxa pola tramitación da licenza de apertura de establecementos.
• 12 Ordenanza fiscal reguladora da taxa por prestación de servizos urbanísticos.